“Qalatasaray” Hakan Çalhanoğlu ilə razılıq əldə etdi

“Qalatasaray” Milan “İnter”inin mərkəz yarımmüdafiəçisi Hakan Çalhanoğlu ilə transfer danışıqlarını davam etdirir.

Bizim.Media xəbər verir ki, bu haqda insayder Nikolo Skira məlumat yayıb.

Mənbənin məlumatına görə, türk klubu 31 yaşlı yarımmüdafiəçi ilə prinsipial razılıq əldə edib və futbolçu komandasını dəyişməyə hazırdır.

Ötən mövsüm 31 yaşlı futbolçu bütün turnirlərdə 47 oyunda iştirak edib, 11 qol vurub və 8 məhsuldar ötürmə verib. Çalhanoğlunun “İnter”lə hazırkı müqaviləsi 2027-ci ilin yayına qədər qüvvədədir.

Rəşad Rafiqoğlu, Bizim.Media