ain.az, Oxumeni.az portalına istinadən məlumat verir.
Vladivostok yaxınlığındakı partlayışlar düşmənin 155-ci briqadasını qazsız və susuz qoyub
Dünən Vladivostok ərazisində Rusiyanın magistral qaz kəməri partlayıb, su təchizatı da sıradan çıxıb. Bu qurğular rus ordusunun 155-ci briqadasını təchiz edirdi.
Bu barədə Ukrayna kəşfiyyatındakı mənbələrə istinadən RBC-Ukrayna məlumat yayıb.
Xüsusilə, Rusiyanın Uzaq Şərqində partlayış və sonrakı yanğın nəticəsində Yapon dənizi sahilləri ilə keçən Vladivostok magistral qaz kəmərinin qolları məhv edilib.
Ukrayna kəşfiyyatındakı mənbələrə görə, qaz kəməri Yapon dənizi sahillərində yerləşən bir sıra Rusiya hərbi obyektlərini qazla təmin edir. Söhbət Rusiya Silahlı Qüvvələrinin Sakit Okean Donanmasının 155-ci Dəniz Briqadasının ayrı-ayrı bölmələrindən gedir.
Qeyd olunur ki, sözügedən qaz kəmərinin bir hissəsi 2025-ci ilin martında istifadəyə verilib.
Bundan başqa, bu gün baş vermiş partlayış nəticəsində hərbi qarnizonları içməli su ilə təmin edən su təchizatı sistemi sıradan çıxıb.
Mənbənin sözlərinə görə, partlayışlar iyulun 5-də gecə saat 1-2 radələrində baş verib. Bundan sonra irimiqyaslı yanğın baş verib, daha sonra Rusiya xüsusi xidmət orqanları və təmir briqadaları hadisə yerinə gəliblər.
Vladivostok şəhərinin yaradılmasının 165-ci ildönümünün qeyd olunmasını nəzərə alaraq, yerli xüsusi xidmət orqanları məlumatı yerli əhalidən gizlətmək üçün Lazurnaya körfəzi (Şamora) ərazisində mobil interneti və rabitəni kəsiblər.
Əziz Mustafa, Oxuməni.az
Ən son xəbərləri və yenilikləri almaq üçün ain.az saytını izləyin.
