Pakistanın Kəraçi şəhərində beşmərtəbəli binanın uçması nəticəsində həyatını itirənlərin sayı 27 nəfərə yüksəlib.
Manset.az xəbər verir ki, bu barədə "Dawn" qəzeti məlumat yayıb. Məlumata görə, iyulun 4-də baş vermiş hadisənin ardından ərazidə axtarış-xilasetmə işləri davam etdirilir. Rəsmi şəxslər dağıntılar altında hələ də çox sayda insanın qaldığını bildiriblər.
Qeyd edək ki, hadisə zamanı uçan bina 1974-cü ildə inşa edilib və əvvəlcədən "təhlükəli" kateqoriyasında qiymətləndirilib.
Hadisə ilə bağlı araşdırmalara başlanılıb.
