Hurriyyet.az xəbər verir ki, Rusiya mətbuatının yazdığına görə, RF Prezidenti Vladimir Putinin bu gün səhər saatlarında nəqliyyat naziri vəzifəsindən azad elədiyi Roman Starovoyt özünü güllələyib. Mətbuata məlumat verən mənbələrin sözlərinə görə, hadisə onun Odintsovo rayonundakı evində baş verib.
Putin bu gün səbəb göstərmədən naziri işdən çıxarıb. Bundan əvvəl Starovoyt Kursk vilayətində qubernator postunu tuturmuş.
İşdən çıxarılma əmri Ukrayna dronlarının hücumu səbəbindən Rusiya aeroportlarında yaranan böhran fonunda verilib. Bir sıra "Teleqram" kanallarının iddiasına görə, əsl səbəb - Kremlin Kursk vilayətinin müdafiəsinin vəziyyətindən narazı qalmasıdır.
Hürr Tərcüman
