Elon Maskın atası oğluna Rusiyaya səfər etməyi tövsiyə edib
Musavat.com xəbər verir ki, tanınmış sahibkar və Elon Maskın atası Errol Mask Rusiyaya səfər etməyi oğluna tövsiyə etdiyini bildirib. O, bu barədə “VK Video” platformasında yayımlanan “Mərkəzi Kanal” proqramında danışıb.
“Düşünmürəm ki, o, Rusiyada olub. Amma mən ona Rusiyaya getməyi tövsiyə edərdim. Mən Moskvada olmuşam – heyrətamiz bir yerdir”, – deyə Mask qeyd edib.
O, həmçinin Rus xalqı haqqında da müsbət fikirlər səsləndirib: “Mükəmməl insanlardır. Bizə Qərbdə Rusiya haqqında deyilənlərin heç biri doğru deyil”, – deyə vurğulayıb.
Musavat.com
