Avtosfer saytından alınan məlumata görə, ain.az bildirir.
Xırdalan şəhərində qadın sürücünün yol hərəkəti qaydalarını pozması nəticəsində digər hərəkət iştirakçısına maneə yaranıb. Avtosfer.az xəbər verir ki, hadisə Heydər Əliyev prospektində qeydə alınıb.
Belə ki, 99-VK-076 dövlət nömrə nişanlı "Hyundai" markalı avtomobilin sürücüsü dönmə işığını yandırmadan sürətini azaldaraq sola dönməyə cəhd edib. Bu isə arxadan gələn və hadisəni qeydə alan sürücünün hərəkətinə mane olub.
Qanunvericiliyə əsasən, dönmə siqnalları digər sürücüləri xəbərdar etmək üçün nəzərdə tutulub və onlardan istifadə etməmək qayda pozuntusu sayılır. İnzibati Xətalar Məcəlləsinin 327.1-ci maddəsinə görə, bu hal üçün 40 manat məbləğində cərimə tətbiq olunur.
Fərid
Ən son xəbərləri və yenilikləri almaq üçün ain.az saytını izləyin.
