Musavat.com xəbər verir ki, Kremlin demoqrafiya dərdi başından aşır. Rusiya Dövlət Duması yeni qanun qəbul edərək tələbə qızlar üçün hamiləlik müavinətini artırıb.
Artıq tələbə analara bölgənin yaşayış minimumunun tam 100%-i həcmində pul veriləcək. Əvvəllər bu rəqəm xeyli az idi və çay-piroq pulu zorla çıxırdı.
Rəsmi izah belədir: bu dəyişiklik həm sosial dəstəyin gücləndirilməsi, həm də təhsil alan gənc anaların yükünün yüngülləşdirilməsi üçündür. Amma arxa planda daha böyük məsələ var – Putin rejimi rusların doğub-törəməsi üçün əlindən gələni edir.
Axı bəllidir ki, Rusiya artıq uzun illərdir qocalan millətlər sırasındadır. Gənclər azalır, doğum statistikası illərdir sürüşə-sürüşə gedir. Görünür, indi tələbə xanımlar “məmləkətin demoqrafik strateji ehtiyatı” sayılır.
Qanunun qüvvəyə minəcəyi tarix və texniki detallar isə hələ gələcək sərəncamlarla dəqiqləşdiriləcək. Hələlik Kreml dərindən nəfəs alır: “Köhnə qayda ilə olmursa, bəlkə pul ilə doğular…”
Musavat.com
