“Ukraynada xüsusi xidmət polkovniki İvan Voroniç Rusiya agentləri tərəfindən öldürülüb”.
Yeniavaz.com Ukrayna Təhlükəsizlik Xidmətinin (UTX) məlumatına istinadən xəbər verir ki, qətl Rusiya xüsusi xidmət orqanlarının agentləri tərəfindən törədilib.
UTX-nin bəyanatında deyilir ki, Kiyev vilayətində saxlanılarkən onlar müqavimət göstəriblər və öldürülüblər.
Xidmət rəhbəri Vasil Malyuk onları “Rusiya FTX-nin agent-döyüş qrupu” adlandırıb:
“Aparılan əməliyyat-istintaq və əks-kəşfiyyat tədbirləri nəticəsində düşmənin yuvası aşkar edilib. Saxlanılan zaman müqavimət göstəriblər, atəş açıblar. Ona görə də onıar məhv edilib”.
UTX  iddia edir ki, Voroniç iki nəfər - kişi və qadın tərəfindən qətlə yetirilib. Kuratorlarının göstərişi ilə onlar polkovnikin izləyib və onun hərəkət marşrutlarını təyin ediblər. Sonra kurator onlara səsboğuculu tapançanın yerləşdiyi anbarın koordinatlarını verib.