“Neftçi” növbəti keçidini rəsmiləşdirib.
Sportinfo.az xəbər verir ki, bu barədə klubun mətbuat xidməti məlumat yayıb.
Venesuela milli komandasının yarımmüdafiəçisi Freddi Varqas artıq “Neftçi”nin üzvüdür. 26 yaşlı futbolçu İsrailin “Makkabi” (Netanya) klubundan 1 il müddətinə icarəyə götürülüb.
Vətənindən başqa, ABŞ və İsrail liqalarında çıxış etmiş Varqas yarımmüdafiənin həm cinahlarında, həm də mərkəzində oynamağı bacarır. O, Venesuela milli komandasında 3 oyun keçirib.
"Neftçi" daha öncə Sessi D’Almeyda, Luis Ortis, Elvin Bədəlov, Murad Xaçayev, İqor Ribeyro, İmad Farajı transfer edib.
