"Qarabağ"ın 17 yaşadək futbolçulardan ibarət komandası “Gothia Puma Trophy”də çıxışını başa vurub.
İdman.biz xəbər verir ki, IV qrupda yer alan təmsilçimiz son turda “Göteborq”la qarşılaşıb.
Qarşılaşma meydan sahiblərinin 2:0 hesablı qələbəsi ilə yekunlaşıb. İlk turda digər İsveç təmsilçisi “Myallbu”nu 2:1 hesabı ilə məğlub edən "Qarabağ" ardınca “Sportinq Laqos”la heç-heçə edib – 0:0.
Qeyd edək ki, təmsilçimiz qrup mərhələsini 4 xalla 3-cü pillədə başa vuraraq, pley-offdan kənarda qalıb. “Sportinq Laqos” 7, “Göteborq” 6 xal toplayıb.
İdman.biz
