Qəzzadakı gündəlik ölüm sayı artmağa davam edir.
Moderator.az xəbər verir ki, “Əl-Cəzirə” müxbiri, cümə axşamı səhərindən bəri ən azı daha 56 nəfərin İsrail hücumları nəticəsində öldüyünü bildirir.
Qəzzadakı yeganə Katolik kilsəsinə edilən ölümcül hücumun pislənməsi artmaqda davam edir. Bu hücum nəticəsində üç nəfər həyatını itirib, ən azı 10 nəfər yaralanıb.
Musavat.com-un yazdığına görə ""Hill" nəşri xəbər verib ki, ABŞ prezidenti Donald Tramp da Qəzza zolağında kilsəyə hücumla bağlı İsrailin baş naziri Binyamin Netanyahuya zəng edib. Bu barədə Ağ Evin mətbuat katibi Kerolin Livitt brifinqdə bildirib. Onun sözlərinə görə, baş nazir bunun səhvən baş verdiyini vurğulayıb.
"Prezidentin bu hadisəyə reaksiyası heç də müsbət olmayıb", - o bildirib.
“Əl-Cəzirə” bildirir ki, Suriya dövlət mediası, İsrailin cənub bölgəsindəki Suveyda yaxınlığında hava zərbəsi endirdiyini xəbər verib, halbuki Dəməşq, düşmən Druza və Bədəvi döyüşçüləri arasında atəşkəsin təmin edilməsi üçün səylər göstərir.
Qəzza Səhiyyə Nazirliyinin verdiyi məlumata görə, İsrailin Qəzzadakı müharibəsi nəticəsində ən azı 58 min 667 nəfər həyatını itirib, 139 min 974 nəfər isə yaralanıb. 2023-cü ilin 7 oktyabrında, “HƏMAS”-in həyata keçirdiyi hücumlar nəticəsində İsraildə təxminən 1,139 nəfər həyatını itirib və 200-dən çox insan əsir götürülüb.
S.Laçın
