Tailandın Samui adası dünyanın hər yerində təbiətin valehedici gözəlliyi ilə tanınır və hər il milyonlarla turisti qəbul edir. Lakin orada istirahət üçün ən yaxşı vaxtı seçmək üçün bir neçə amili nəzərə almaq lazımdır.
Mövsümlük
Samuidə rütubətli (yağışlı) və quru (günəşli) mövsümlər olur. Yağışlı mövsüm oktyabrın ortasından dekabrın ortasına qədər davam edir – bu zaman adanı sanki nəmli bir hamam bürüyür. Dekabrın sonundan avqusta qədər isə quru mövsüm hökm sürür.
Temperatur
Samuidə tropik iqlim hökm sürdüyündən il boyu hava isti olur. Yanvar ayından aprel ayının əvvəlinə qədər havalar daha komfortludur (25-30 °C), yağışlar az olur, bu da yalnız çimərlikdə istirahət üçün deyil, həm də ekskursiyalar üçün əlverişlidir: Məşhur Böyük Buda heykəlinə baxmaq, Na Muanq şəlalələrinə yürüş etmək, Pələng zooparkını və digər möhtəşəm yerləri ziyarət etmək mümkündür.
Lakin, məhz bu dövr turizm baxımından yüksək mövsümdür, bu səbəbdən ağappaq Samui çimərliklərində dincəlmək istəyənlər otel rezervasiyasını əvvəlcədən etməlidirlər. Turist yerlərində çoxsaylı insan olmasına da hazır olmaq lazımdır.
Apreldən iyuna qədər isə adada havalar daha da isti keçir (36 °C-yə qədər), bu da günəş altında qalmağı çox yorucu və çətin edir.
Tətil dövrləri
Ailələr çalışır ki, istirahət planlarını məktəblilərin və tələbələrin tətil vaxtlarına uyğunlaşdırsınlar. Valideynlər arasında keçirilmiş sorğulara əsasən, uşaqlarla səyahət üçün ən çox seçilən ay avqustdur.
Samui üçün avqust ayı həm də ona görə əlverişlidir ki, bu zaman artıq yandırıcı istilər səngiyir, lakin yağış mövsümü hələ başlamayıb. Sanki düşərgədə növbə dəyişikliyi baş verir. dada turistlərin sayı azalır, bu da istirahəti daha sakit və rahat edir.
Samuidə qalmaq üçün gözəl yerlərdən biri – “QVI Club” istirahət klub kartı ilə istifadə oluna bilən möhtəşəm Prana Resort Nandana kurortudur. O, adanın şimal sahilində yerləşən Banqrak çimərliyində yerləşir. Bu oteldə turistləri rahat və zövqlə dizayn olunmuş nömrələr, firmanı tanıdan spa prosedurları və ruhu dincəldən ab-hava gözləyir.
