UEFA Konfrans Liqasının III təsnifat mərhələsinin püşkatma mərasimi keçirilib.
90deqiqe.Az xəbər verir ki, püşkatmanın nəticələrinə əsasən Azərbaycan təmsilçilərinin bu raunddakı mümkün rəqibləri müəyyənləşib.
“Sabah” – “Petrokub” (Moldova) cütünün qalibi növbəti mərhələdə “Levski” (Bolqarıstan) – “Braqa” (Portuqaliya) duelinin məğlubu ilə qarşılaşacaq.
Digər təmsilçimiz “Araz-Naxçıvan” Yunanıstanın “Aris” klubunu mübarizədən kənarlaşdıracağı halda, III mərhələdə “Omoniya” (Kipr) – “Torpedo” (Kutaisi, Gürcüstan) cütünün qalibi ilə üz-üzə gələcək.
Bu raundda mübarizə aparan daha bir klubumuz “Zirə” isə Xorvatiyanın “Hayduk” komandası ilə dueldən qalib ayrılacağı təqdirdə, “Atletik Klub Eskaldes” (Andorra) – “Dinamo Siti” (Albaniya) cütünün güclüsü ilə qarşılaşacaq.
Qeyd edək ki, UEFA Konfrans Liqasının III təsnifat mərhələsinin ilk oyunları 8 avqust, cavab qarşılaşmaları isə 15 avqust tarixində keçiriləcək.
