İstanbulda İran və Avropa arasında nüvə danışıqları başlayıb

 Vətəninfo.az xəbər verir ki, bu gün səhər saatlarında İstanbulda İranla Avropa üçlüyü (Almaniya, Fransa və Britaniya) ölkələri arasında danışıqlar başlayıb. Görüş İran və Avropa ölkələrinin xarici işlər nazirlərinin müavinləri səviyyəsində keçirilir. İran nümayəndə heyətinə ölkənin xarici işlər nazirinin müavinləri Məcid Təxt Rəvançi və Kazım Qəribabadi başçılıq edir. Avropa diplomatik heyəti isə səhər saatlarında İranın İstanbuldakı konsulluğuna daxil olaraq məsləhətləşmələrə start verib.