Lerik rayonunda 42 yaşlı kişi qayınanasına yaşadığı evdə təcavüz edib.
Publika.az Teleqraf-a istinadən xəbər verir ki, hadisə ötən il sentyabrın 17-də Lerik rayonunun kəndlərindən birində baş verib.
1983-cü il təvəllüdlü Lerik rayon sakini Amal həmin gün saat 13 radələrində yaşadığı evdə qaynanası Əsmərin (adlar şərti verilib – red.) qarşısını kəsib. Onun biləyindən tutaraq otağa keçməsini tələb edib. Qadın kürəkəninin tələbinə etiraz edib, müqavimət göstərib. Amal isə qayınanasını zorla iç otağa salıb, qapını arxdan kilidləyib.
Daha sonra onu yerə yıxaraq yumruqla sağ gözünün altından almacıq sümüyü nahiyəsinə zərbələr endirib, zorla üzü üstə çevrilməsini tələb edib. Qayınanasını soyunduran kürəkən onunla qeyri-təbii yolla cinsi əlaqədə olub, digər seksual xarakterli zorakılıq hərəkətləri edib.
İstintaq orqanı tərəfindən Amalın barəsində Cinayət Məcəlləsinin 150.1-ci (zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham elan edilib.
“Qayınanamla sevgili olmuşuq”
Cinayət işi üzrə izahat verən təqsirləndirilən şəxs ona elan olunmuş ittiham üzrə özünü təqsirli bilməyib. İfadəsində göstərib ki, 2006-cı ildə Nazilə ilə ailə həyatı qurub, 4 övladları var:
“Zərərçəkmiş mənim qayınanamdır. Onunla aramızda sevgi münasibətləri olub. 2024-cü il sentyabrın 17-də Bakı şəhərindən kənddəki evə gəldim. Qayınanam evdə təkiydi. Onunla otaqda qeyri-təbii yolla cinsi əlaqədə olan vaxtı oğlum İslam bizi gördü. Bundan sonra sevgi münasibətlərimizin üstü açıldı.
Qayınanamla aramızda 18 ildir cinsi münasibətlər olub. Lakin heç vaxt tutulmamışıq. Hadisə günü arvadım bizim bu münasibətlərimizdən xəbər tutdu və evdə səs-küy saldı”.
Təqsirləndirilən şəxs bildirib ki, qayınanası ilə könüllü cinsi əlaqədə olub: “Ona zor tətbiq etməmişəm. Lakin hadisə aşkar olunduğu üçün Əsmər özünü təmizə çıxarmaq üçün şikayət etdi ki, guya ona zorakılıq göstərmişəm”.
“Dedi ki, neçə ildir sənin üçün ölürəm”
