Avstraliyanın Makkuari adasının sahillərində 6,2 maqnituda gücündə zəlzələ qeydə alınıb.
“Report” xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Zəlzələnin episentri təxminən 144 000 nəfər əhalisi olan Yeni Zelandiyanın Dunedin şəhərindən təqribən 1 578 km cənub-qərbdə yerləşib. Zəlzələ ocağı 10 km dərinlikdə olub.
Dağıntı və tələfat barədə məlumat yoxdur. Sunami xəbərdarlığı verilməyib.
