BAKI, 28 iyul. TELEQRAF
Güclü yağışlar Pekin ətrafında daşqınlara səbəb olub, nəticədə iki nəfər həyatını itirib, minlərlə şəxs isə təxliyə olunub.
Teleqraf xəbər verir ki, hökumət sürüşmə və yeni daşqın risklərinin yüksək olduğu barədə xəbərdarlıq edib.
Ən çox zərər çəkən üç rayon - saatda rekord 145 mm yağıntı düşmüş Fupin qəzası, elektrik və rabitə kəsintiləri səbəbindən 3000 nəfərdən çox insanın təxliyə olunduğu Miyun qəzası, həmçinin gecə ərzində 540 mm yağış (illik norma) düşən, 46000 sakinin zərər çəkdiyi və 4655 nəfərin təxliyə olunduğu Baodin şəhəridir.
Regionda yağıntılar illik orta göstəriciləri 2-3 dəfə üstələyib. Sinoptiklər 6 saat ərzində intensivliyi 100 mm-dək olan leysan yağışlarının davam edəcəyini proqnozlaşdırırlar ki, bu da alçaq ərazilərdə yeni daşqın təhlükəsi yaradır.
