Fransa parlamentindəki “Milli Mitinq” fraksiyasının lideri Marin Le Pen Aİ və ABŞ arasında ticarət sazişinin uğursuz olduğunu bəyan edib..
Poliqon xəbər verir, bu barədə o, X sosial şəbəkəsindəki hesabında məlumat verib.
“Avropa Komissiyasının rəhbəri Ursula fon der Leyenin ABŞ prezidenti Donald Trampla bağladığı razılaşma siyasi, iqtisadi və mənəvi fiaskodur”, Le Pen yazıb.
Onun sözlərinə görə, Aİ ölkələri Böyük Britaniyadan daha pis şərtlərlə üzləşib.
Siyasətçi vurğulayıb ki, sazişdə asimmetrik müddəalar var.
"Fransa hər il yüz milyardlarla avroya ABŞ-dan qaz və silah idxal etməli olacaq. Bu, sənayemizin təslim olması və enerji suverenliyinin itirilməsidir", o izah edib.
Poliqon.info
