Orhus Universitetinin alimləri, yaxınlarını ciddi şəkildə itirən insanların 10 il ərzində vaxtından əvvəl ölüm riskinin artdığını aşkar ediblər.
Araşdırmanın nəticələri Frontiers in Public Health (FPH) jurnalında dərc olunub.
Tədqiqatda 1735 nəfər iştirak edib. İştirakçıların orta yaşı 63-dür və hamısı əvvəllər yaxınlarının ölümünü yaşayıblar.
Tədqiqatçılar, Uzadılmış Kədər Bozukluğu (PGD) əlamətlərini ölçən Uzun Kədər-13 Ölçüsündən istifadə edərək könüllülərin itkiyə həssaslığını ölçüblər. Onlar müəyyən ediblər ki, şiddətli və uzun sürən kədər yaşayanların ölümündən sonra on il ərzində ölmə ehtimalı az olanlarla müqayisədə iki dəfə çoxdur.
Tədqiqatın aparıcı müəllifi Dr Mette Kjaergaard Nielsen güclü kədərin ürək-damar xəstəlikləri, psixi sağlamlıq pozğunluqları və hətta intihar riski ilə əlaqəli olduğunu deyib.
Tədqiqatçılar həmçinin aşkar ediblər ki, ən dərin itkini yaşayanların bir çoxunda psixi sağlamlıq pozğunluğu diaqnozu qoyulub və sevdiklərinin ölümündən əvvəl müvafiq müalicə alıblar.
Mütəxəssislər xəbərdarlıq ediblər ki, şiddətli kədər “qırıq ürək sindromu” və ya stresdən qaynaqlanan kardiomiopatiyaya da səbəb ola bilər. Bu kəskin, bəzən həyati təhlükəsi olan vəziyyət stress hormonlarının qəfil sərbəst buraxılmasına cavab olaraq inkişaf edir. Bu vəziyyətdə ürəyin bir hissəsi müvəqqəti olaraq qanı effektiv şəkildə nəql etmək qabiliyyətini itirir və infarkt kimi simptomlara səbəb olur.
Bildirilib ki, “qırılmış ürək” sindromu klassik infarktdan fərqli olaraq, damarları bağlamır, lakin həyati təhlükəsi olan bir vəziyyət yaradır.
//Gülnarə Abasova, Editor.az
