Yaxın günlərdə Bakı şəhərində maqnit qasırğalarının artacağı proqnozlaşdırılır.
Far.Az xəbər verir ki, mütəxəssislər xüsusilə avqustun ilk günlərində geomaqnit aktivliyinin yüksələcəyini bildirirlər.
Günbəgün maqnit sahəsinin proqnozu belədir:
28 iyul, Bazar ertəsi: Əhəmiyyətli dəyişiklik yoxdur – sakit fon (1-2 bal)
29 iyul, Çərşənbə axşamı: Yüngül pozuntular müşahidə edilə bilər – maksimum 3 bal
30 iyul, Çərşənbə: Sabit və zəif aktivlik – 2 bal
31 iyul, Cümə axşamı: Axşam saatlarında 4 bala qədər yüksələcək – kiçik maqnit qasırğası
1–3 avqust (Cümə – Bazar): Geomaqnit sahəsində davamlı və sabit qasırğalar gözlənilir – bütün gün ərzində 4 bal.
Rəqəmlər hansı mənanı verir?
1. Heç bir pozuntu yoxdur
2. Yüngül dəyişikliklər
3. Zəif maqnit qasırğası
4. Kiçik maqnit qasırğası
5. Orta səviyyəli maqnit qasırğası
6-8. Güclü və ekstremal fırtınalar
Kimlər diqqətli olmalıdır?
Ürək-damar xəstəliklərindən əziyyət çəkənlər
Təzyiqi tez-tez dəyişənlər
Kroniki yorğunluq və baş ağrısı yaşayanlar
Mütəxəssislər belə günlərdə istirahət rejiminə riayət etməyi, kofein və alkoqoldan uzaq durmağı, çöldə az qalmağı və bol su içməyi tövsiyə edirlər.
