Rusiya hökuməti Ukrayna ilə keçmiş sərhəddə olanlar da daxil olmaqla, fəaliyyət göstərməyən 20 keçid məntəqəsinin bağlanmasını qanuni olaraq təmin edib.
Operativ Media xəbər verir ki, müvafiq sərəncam hüquqi aktların rəsmi saytında yerləşdirilib.
Sənəddə deyilir: “2025-ci il avqustun 1-dən Rusiya Federasiyası Hökuməti ilə Ukrayna Hökuməti arasında Rusiya Federasiyası ilə Ukrayna arasında dövlət sərhədində buraxılış məntəqələri haqqında 1995-ci il 8 fevral tarixli Sazişə əsasən yaradılmış Rusiya Federasiyasının dövlət sərhədindəki buraxılış məntəqələri müvafiq siyahıya uyğun olaraq bağlansın”.
Siyahıya 13 avtomobil və yeddi dəmir yolu keçid məntəqəsi daxildir. Sadalanan bütün keçid məntəqələri hazırda fəaliyyət göstərmir.
