“Rus agentləri Ermənistan ərazisindən Rusiyaya dəhliz vermək istəyirlər. İndiki Ermənistan hakimiyyəti isə dörd prinsip çərçivəsində bütün kommunikasiyaların blokunu açmaq istəyir, bizim fərqimiz budur”.
“Cebheinfo.az” xəbər verir ki, bunu Ermənistandakı hakim “Mülki Müqavilə” partiyasından olan deputat Arsen Torosyan “Facebook” səhifəsində yazıb.
“Erməni siyasi ictimaiyyətinin əhəmiyyətli bir hissəsi 9 noyabr Bəyanatına istinad edərək, artıq bir neçə ildir ki, “Rusiya dəhlizi”nin təmin edilməsinin qaçılmaz olduğunu deyir. Bildirirlər ki, biz bunu nə qədər tez etsək, bir o qədər yaxşıdır.
Bu prinsiplərin kiminlə “pozulduğunun” heç bir əhəmiyyəti yoxdur. İndi bütün rus agentləri “Amerika dəhlizi”nə qarşı mübarizə aparmağa tələsirlər. Əks halda fəlakət baş verəcək, çünki onların fikrincə, indi onu Rusiya deyil, Birləşmiş Ştatlar götürəcək”, - deyə Torosyan qeyd edib.
Xatırladaq ki, söhbət ABŞ-nin 100 illiyə icarəyə götürmək istədiyi Zəngəzur dəhlizindən gedir.
