Kambocalılar Tailand Ordusunun İkinci Hərbi Bölgəsinin komandiri, general-leytenant Bunsin Phatklanqa erkən ölüm gətirən sehrli ritual həyata keçiriblər.
Bakıvaxtı.az xarici mediaya istinadən xəbər verir ki, Kamboca (Khmer) qara və ağ sehri Cənub-Şərqi Asiyada geniş şəkildə tanınır. Bu ezoterik ritualın ənənələri qədim Angkor Khmer imperiyasının dövrünə gedib çıxır.
Angkorun saray mərasimlərinin əksəriyyəti onun keçmiş ərazisində yaranan krallıqlar, o cümlədən təkcə Kamboca deyil, həm də Siam (indiki Tailand) və Lan Xanq, Vyentian və Çampasak (indiki Laos) krallıqları tərəfindən miras qalıb.
Brahmanlar hələ də Tailand və Kambocada monarxların iştirak etdiyi ayinləri icra edirlər. Bura cari ilin məhsulunun nə olacağını təxmin edən illik mərasimlər də daxildir.
