Səudiyyə Ərəbistanının Ət-Taif şəhəri yaxınlığında yerləşən "Green Mountain Park" əyləncə parkında ağır qəza baş verib.
"Unikal" xarici KİV-ə istinadən xəbər verir ki, “360 dərəcə” adlı attraksionun qəfil qırılması nəticəsində azı 23 nəfər xəsarət alıb.
Hadisə anı mobil telefon kamerası ilə qeydə alınıb. Kadrlarda attraksionun iki yerə bölündüyü və içərisində sərnişinlərin olduğu kabinin yerə çırpıldığı aydın görünür.
Yaralanan şəxslər dərhal xəstəxanalara çatdırılıb. Onların vəziyyəti açıqlanmayıb.
