Bu gün Konfrans Liqasının II təsnifat mərhələsinə yekun vurulub.
Offsideplus.az xəbər verir ki, cavab oyunları çərçivəsində 3 təmsilçimiz bu gün meydana çıxıb.. İlk olaraq "Sabah" "Petrokub"u qəbul edib və 4:1 hesablı qələbəyə sevinib. "Bayquşlar" səfərdə rəqibini 2:0 hesabı ilə məğlub etmişdi. Növbəti raundda rəqib "Levski" olacaq.
"Araz-Naxçıvan" və "Zirə" isə səfərə yollanıb. Naxçıvan təmsilçisi ilk görüşdə 2:1 hesabı ilə məğlub etdiyi "Aris"lə heç-heçə edərək (2:2) adını III təsnifat mərhələsinə yazdırıb. Bu mərhələdə Elmar Baxşıyevin komandası "Omoniya" ilə qarşılaşacaq.
"Zirə" isə Splitdə "Hayduk"la üz-üzə gəlib (ilk oyun - 1:1). Oyunun əsas vaxtı 1:1, əlavə vaxtı isə rəqibin 2:1 hesablı üstünlüyü ilə yekunlaşıb. "Hayduk"un növbəti rəqibi "Dinamo Siti" olacaq, "Zirə" isə mübarizəni erkən dayandırıb.
Konfrans Liqası
II təsnifat mərhələsi
31 iyul
20:00. “Sabah”(Azərbaycan) - “Petrokub” (Moldova) 4:1
Baş hakim Danilo Nikoliç (Serbiya)
İlk oyun - 2:0
Masazır. "Bank Respublika Arena"
22:15. “Aris” (Yunanıstan) - “Araz Naxçıvan” (Azərbaycan) 2:2
Baş hakim: David Dikinson (Şotlandiya)
İlk oyun – 1:2
Saloniki. "Kleantis Vikelidis" stadionu
23:00. “Hayduk” (Xorvatiya) - “Zirə” (Azərbaycan) Əsas vaxt - 1:1; Əlavə vaxt: - 2:1
Baş hakim Danilo Nikoliç (Serbiya)
Split. "Polyud" stadionu
İlk oyun – 1:1
