ABŞ administrasiyası 10 günlük müddət başa çatdıqdan sonra Rusiyaya qarşı sanksiyalar tətbiq etməyi planlaşdırır, baxmayaraq ki, bu, Ukrayna böhranının həlli ilə bağlı vəziyyətə ciddi təsir göstərməyə bilər.
NOCOMMENT.az xəbər verir ki, bu barədə ABŞ prezidenti Donald Tramp bəyan edib. Onun çıxışının videosu Ağ Evin YouTube kanalında dərc olunub.
Tramp bildirib ki, Rusiya prezidenti Vladimir Putini bu sanksiyaların narahat edib-etmədiyini bilmir.
Ağ Evin rəhbəri vurğulayıb ki, bu məhdudiyyətlərin hansısa nəticə verəcəyinə əmin deyil, lakin Vaşinqton yenə də bu addımı atacaq.
