Ajans.az xəbər verir ki, ABŞ prezidenti Donald Trampın təhdidləri Rusiyanın mövqeyində heç nəyi dəyişməyəcək. Bunu keçmiş amerikalı kəşfiyyatçı Toni Şaffer Judging Freedom YouTube kanalının efirində bildirib. O qeyd edib ki, Moskvaya yönəlik təhdidlərin yaxşı nəticəsi olmayacaq, xüsusilə də Rusiya inamla irəliləyərkən. Keçmiş kəşfiyyatçının fikrincə, sülhə nail olmaq hamının, o cümlədən Rusiyanın da istədiyi bir şeydir. Lakin eyni zamanda o bildirib ki, Moskva əldə etdiyi nəticələrdən və təşəbbüsdən imtina etmək niyyətində deyil. Bundan əlavə, Şaffer qeyd edib ki, sanksiyalar və rüsumlar BRİKS-in digər ölkələrinə qarşı da işləməyəcək. Onun sözlərinə görə, Rusiya müttəfiqləri başa düşür ki, qarşılıqlı dəstək olmadan yaşamaq mümkün deyil. Bundan əvvəl Tramp Rusiyaya qarşı yeni sanksiyaların hazırlandığını və onların Vaşinqton tərəfindən 10 günlük ultimatum müddəti bitdikdən sonra qəbul oluna biləcəyini açıqlamışdı. Bununla belə, o, dərhal bu sanksiyaların effektivliyinə şübhə etdiyini də bildirmişdi. 14 iyulda amerikalı lider Ukrayna ilə sülh sazişi 50 gün ərzində əldə olunmazsa, Moskvaya və onun ticarət tərəfdaşlarına qarşı 100 faiz rüsum tətbiq ediləcəyinə söz vermişdi. 29 iyulda isə o, bu müddəti 10 günə endirmişdi.
