İyulun 31-nə keçən gecə Xətai rayonunda ağır yol qəzası baş verib.
Avtosfer.az xəbər verir ki, Yəhya Şərifzadə adlı şəxs “Volkswagen Passat” markalı avtomobillə metronun “Əhmədli” stansiyasından “Bakı” kinoteatrı istiqamətində Sarayevo küçəsi ilə hərəkətdə olarkən yolu keçməkdə olan piyada 2004-cü il təvəllüdlü Nurlan Qasımovu vurub.
Bu zaman idarəetmədən çıxan avtomobil yolun hərəkət hissəsinin kənarında səkinin üzərində dayanmış Əhmədov Siruz Famil oğlunu vurub. S.Əhmədov aldığı bədən xəsarətindən ölüb.
Faktla bağlı Xətai RPİ-də cinayət işi başlanıb, araşdırma aparılır.
