Idman.biz portalından alınan məlumata görə, ain.az xəbər verir.
Çinin Çenqdu şəhərində keçiriləcək Dünya Oyunları ərəfəsində Beynəlxalq Gimnastika Federasiyası (FIG) aerobika üzrə Azərbaycanın qarışıq cütlüyü – Medina Mustafayeva və Vladimir Dolmatovu xüsusi qeyd edib.
İdman.biz xəbər verir ki, aerobika yarışları avqustun 7-17-də baş tutacaq multiforumun bir hissəsi olacaq.
FIG portalı qeyd edir ki, qarışıq cütlüklər arasında əsas fiqurlar yaponiyalılar Riri Kitadzume və Mizuki Saito olacaq: "Kitadzume və Saito Pesaroda dünya çempionatında qızıl medal qazanaraq gümüş mükafatçılar - Azərbaycan təmsilçiləri Mustafayeva və Dolmatovu geridə qoyublar. Kitadzume həmin yarışda qadınlar arasında fərdi proqramda da dünya çempionu titulunu qoruyub. Saito isə 2016-cı ildə aerobika üzrə dünya çempionu olmuş ilk yaponiyalıdır. Onlar Çenqduda çempionluğa əsas favoritlər sayılırlar. Lakin medallara iddiaçılar arasında Azərbaycan cütlüyü və dünya çempionatının bürünc mükafatçıları braziliyalılar da var”.
İdman.biz
Hadisənin gedişatını izləmək üçün ain.az saytında ən son yeniliklərə baxın.
