Ukrayna Prezidenti Volodimir Zelenski ABŞ-ın keçmiş prezidenti Donald Trampa Ukrayna müharibəsinə göstərdiyi diqqətə görə təşəkkür edib. Lakin o, bu kimi bəyanatların praktik dəstək olmadan yetərli olmadığını bildirib.
Zelenski bu barədə Kiyevdə keçirilən brifinq zamanı danışıb:
“Mən hər bir dünya liderinə minnətdaram ki, Ukraynadakı müharibə haqqında danışır. Donald Tramp nüfuzlu siyasətçidir və onun mövqeyi əhəmiyyətlidir. Amma bizə bu gün sadəcə ritorika deyil, konkret addımlar lazımdır”, – deyə dövlət başçısı vurğulayıb.
Putinlə mümkün görüşə münasibət bildirən Zelenski qeyd edib ki, belə bir dialoq yalnız Rusiya silahlı qüvvələrinin Ukrayna ərazilərindən tam çıxarılmasından sonra baş tuta bilər:
“Putinlə yalnız o zaman danışmaq olar ki, Rusiya öz təcavüzünü etiraf etsin və işğal olunmuş torpaqları tərk etsin.”
Prezident onu da əlavə edib ki, Ukraynanın əsas hədəfi ədalətli sülh və beynəlxalq hüququn bərpasıdır.
//Samir Qurbanov, Editor.az
