İsveçrə hökuməti, 7 avqustdan qüvvəyə minəcək 39 faizlik yüksək tariflərdən yayınmaq məqsədilə ABŞ ilə danışıqlara başlayacağını açıqlayıb. Vaşinqtonun 70-ə yaxın ölkəni əhatə edən daha geniş tarif qərarının bir hissəsi olan bu tədbir, əvvəlki 31%-lik təhdid səviyyəsindən daha yüksəkdir.
News24.az xəbər verir ki, İsveçrə Federal Şurası ABŞ-ın qərarına görə “dərin təəssüf” etdiyini bildirsə də, ikitərəfli danışıqlarda irəliləyişə ümid etdiyini vurğulayıb. Xəzinədarlıq naziri vəzifəsini də yerinə yetirən Şura sədri Karin Keller-Sutter cümə axşamı ABŞ Prezidenti Donald Trampla birbaşa görüşsə də, hələlik çərçivə ticarət razılaşması əldə olunmayıb.
Tariflərin xüsusilə İsveçrənin əczaçılıq, saat istehsalı və metal emalı kimi əsas sənaye sahələrinə ciddi təsir göstərə biləcəyi qeyd olunur. ABŞ, ötən il İsveçrə məhsullarının 18,6%-ni qəbul edərək ölkənin ikinci ən böyük ixrac bazası olmuşdu. 2024-cü il üzrə iki ölkə arasındakı ticarət balansının 40 milyard İsveçrə frankı (49 milyard dollar) səviyyəsində olacağı proqnozlaşdırılır.
Xeyrənsə Piriyeva
