Madrid “Atletiko”sunun ulduz hücumçusu Antuan Qrizmann karyerasını Səudiyyə Ərəbistanında davam etdirə bilər.
90deqiqe.Az-ın "Fichajes"ə istinadən məlumatına görə, 34 yaşlı forvardın xidmətində “Əl-Hilal” klubu maraqlıdır. Ərəb klubunun baş məşqçisi, italiyalı mütəxəssis Simone İnzaqi təcrübəli futbolçunun transferini rəhbərlikdən şəxsən istəyib.
Səudiyyə Ərəbistanı təmsilçisi artıq futbolçunun agenti ilə əlaqə saxlayıb. “Əl-Hilal” fransızın transferi üçün “Atletiko”ya təxminən 20 milyon avro ödəməyə hazırdır.
Transfermarkt portalı təcrübəli futbolçunu 18 milyon avro dəyərində qiymətləndirir. Qrizmannın Madrid klubu ilə olan hazırkı müqaviləsi 2027-ci ilin yayına qədər qüvvədədir.
