"Qarabağ" meydana ən çox legioner buraxan komanda olub

"Qarabağ" 2024/2025 mövsümündə Misli Premyer Liqasında meydana ən çox legioner futbolçu buraxan komanda olub.

Bakıvaxtı.az  xəbər verir ki, bu barədə Peşəkar Futbol Liqasının hesabatında bildirilib.

Ağdam təmsilçisi ötən mövsüm 17 legionerə şans verib. Ən az əcnəbi isə "Səbail"də oynayıb - 12.

Ən az yerli futbolçunun oynadığı klub "Zirə"dir. "Qartallar" Azərbaycan vətəndaşlığı olan 12 oyunçuya ehtiyac duyub. Bunun əksinə, "Şamaxı" yerli futbolçulara ən çox şans verən (22 oyunçu) klubdur.

Bundan əlavə, "Şamaxı", "Sumqayıt" və "Kəpəz" 34 oyunçudan istifadə edib. Ən az göstərici isə "Araz-Naxçıvan"a məxsusdur - 25.

Qeyd edək ki, Misli Premyer Liqasında 2025/2026 mövsümünə avqustun 15-də start veriləcək.