Sabiq təhsil naziri Misir Mərdanov Astar TV-yə müsahibəsində xeyli bahalı və brend kostyumları olduğunu, lakin kökəldiyinə görə artıq onları
geyinmədiyini bildirib. Sabiq nazirin bu açıqlaması sosial şəbəkələrdə geniş müzakirələrə səbəb olub və sözügedən paltarların hədiyyə edilməsi
istənilib.
Maraqlıdır, Misir Mərdanov həmin kostyumları kiməsə hədiyyə edirmi?
Referansxəbər verir ki, Globalinfo.az-a danışan Misir Mərdanov bu barədə heç vaxt düşünmədiyini bildirib:
“İstəmərəm ki, kimsə geyinilmiş kostyumlarımı geyinsin. Yəni kiməsə köhnə geyimimi vermək mənə uyğun addım deyil. Bir qardaşımla ölçülərimiz
uyğun gəlir, amma ona da hədiyyə etməmişəm. İstifadə edilmiş geyimi hədiyyə etmək yaxşı çıxmaz. Yeni olsaydı, təbii ki, verərdim, amma geyinilmişi
yox”
