Quba-Xınalıq yolunda avtomobil körpüdən aşıb.
Avtosfer.az unikal-a istinadən xəbər verir ki, Quba-Xınalıq avtomobil yolunda minik avtomobili körpüdən çaya aşıb.
Şəki rayon sakini Sərdar Abbasovun idarə etdiyi 90-KE-880 dövlət nömrə nişanlı "Toyota Carolla" markalı nəqliyyat vasitəsi idarəetməni itirərək körpüdən çaya düşüb.
Hadisə nəticəsində nəqliyyat vasitəsində olan sərnişinlər Səbuhi Abbasov və Vüsalə Rəcəbova müxtəlif dərəcəli bədən xəsarətləri alıblar.
Yaralılar Quba rayon Mərkəzi Xəstəxanasına yerləşdirilib. Hazırda onlara tibbi yardım göstərilir.
