Rusiya Federasiyasının Təhlükəsizlik və Korrupsiyaya Qarşı Mübarizə üzrə Federal Layihəsinin rəhbəri Vitali Borodin öz "Telegram" kanalında "Crocus City Hall"u Ağalarovların əlindən alıb dövlətə təhvil verməyi təklif edib.
Bakıvaxtı.az xəbər verir ki, Rusiya mətbuatının məlumatına görə, avqustun 4-də Moskvada “Crocus City Hall”da baş vermiş terror aktı ilə bağlı məhkəmə prosesi başlayıb. Bundan bir qədər əvvəl kompleksin sahibi azərbaycanlı iş adamı Araz Ağalarov Rusiyanı tərk edərək Bakıya uçub.
Borodin qeyd edib ki, Ağalarovun getməsi son zamanlar cinayət işi ilə bağlı yayılan şayiələr fonunda gözlənilən idi. Bununla bağlı FPBC rəhbəri banklara külli miqdarda kredit verdiyinə görə “Crocus”un Ağalarovlardan alınmasını təklif edib.
Xatırladaq ki, Araz Ağalarov "Forbes"in versiyasına görə, Rusiyanın ən zəngin iş adamlarından biridir. 2020-ci ildə onun sərvəti 1,7 milyard dollar olaraq qiymətləndirilib. Ağalarov “Crocus Group” holdinqinin sahibidir – onun tərkibinə Moskva vilayətində ticarət və əyləncə mərkəzləri, konsert zalı, atelye, butiklər, restoranlar, meyvə bağları və hətta “Myakinino” metrostansiyası daxildir.
