ABŞ Prezidenti Donald Tramp gələn həftə Rusiya Prezidenti Vladimir Putinlə şəxsən görüşmək niyyətindədir.
Yeniavaz.com xəbər verir ki, bu barədə Amerika prezidentinin planları ilə tanış olan iki mənbəyə istinadən “The New York Times” qəzeti yazıb.
Bundan sonra Tramp özünün, Putinin və Ukrayna Prezidenti Volodimir Zelenskinin daxil olacağı üçtərəfli görüş keçirmək istəyir.
Qeyd edilib ki, Tramp avqustun 6-da Avropa liderləri ilə telefon danışığında bu planlardan danışıb.
Nəşr qeyd edir ki, görüşlərdə yalnız Tramp, Putin və Zelenski iştirak edəcək. Bu danışıqlarda Avropa liderləri olmayacaq.