Bir çox insan səhərlər tələsik işə gedərkən səhər yeməyini ötürür...
Halbuki mütəxəssislər səhər yeməyini günün ən vacib öğünü hesab edir.
Pravda.az bildirir ki, düzgün qidalanma ilə günə başlamaq həm enerjini artırır, həm də işdə performansı yüksəldir.
Düzgün səhər yeməyinin iş həyatımıza 5 əsas təsirini təqdim edirik:
Performansı artırır: Səhər yeməyini buraxmaq və ya yalnız xəmir xörəkləri ilə kifayətlənmək yorğunluğa və həddindən artıq kalori qəbuluna səbəb olur. Sağlam səhər yeməyi isə bədəni enerjiylə təmin edir, bu da daha məhsuldar iş deməkdir.
Konsentrasiyanı yaxşılaşdırır: Səhər yeməyi kortizol səviyyəsini tarazlayaraq stressi azaldır və diqqəti toplama qabiliyyətini gücləndirir.
Yaradıcılığı və məhsuldarlığı artırır: Uzun aclıq müddəti məhsuldarlığı azaldır. Səhər yeməyi ilə qidalanan beyin daha aktiv və yaradıcı olur.
Daha səmərəli iş mühiti yaradır: Bədəni lazım olan vitamin və minerallarla təmin edən səhər yeməyi, verimli iş üçün zəmin yaradır.
Yaddaşı gücləndirir: Sağlam səhər yeməyi beyin funksiyalarını dəstəkləyir, yaddaş və diqqət pozğunluğunun qarşısını alır.
Qeyd: Düzgün və balanslı səhər yeməyi yalnız bədənə deyil, iş həyatınıza da güclü təsir edir. Səhər yeməyini vərdiş halına gətirmək uğurlu bir gün üçün atılacaq ilk addımdır.
Poliqon.info
