Qazaxıstan Prezidenti Kasım-Jomart Tokayev Vaşinqtonda Azərbaycan və Ermənistan arasında sülh sazişinin paraflanmasını tarixi mühüm nailiyyət hesab edir.
Aznews.az xəbər verir ki, Tokayevin sözlərinə görə, bu sənəd iki dövlət arasında uzunmüddətli hərbi münaqişəyə son qoyub və diplomatik münasibətlərin qurulmasına, onlar arasında davamlı sülh əsasında əməkdaşlığın inkişafına yol açıb.
Dövlət başçısının fikrincə, Azərbaycan və Ermənistan arasında unikal sazişin imzalanması Azərbaycan və Ermənistan liderlərini tam siyasi iradə və strateji uzaqgörənlik nümayiş etdirməyə inandıra bilən ABŞ prezidenti Donald Trampın enerjili və effektiv vasitəçilik missiyası sayəsində mümkün olub.
