"Çelsi"nin hücumçusu Kristofor Nkunku yenidən "Bavariya"nın transfer hədəflərinə daxil olub.
90deqiqe.Az-ın məlumatına görə, London klubu fransalı futbolçunu satışa çıxarıb. "Zadəganlar"ın baş məşqçisi Enzo Mareska onu komandasında görmür.
"Bavariya" hücum xəttini gücləndirmək üçün axtarışlarını davam etdirir və Nkunku transfer bazarında nəzərdən keçirilən variantlardan biridir. Münhen klubu 27 yaşlı oyunçunu bu ilin yanvarında da almağa çalışmış, təxminən 45 milyon avro ödəməyə hazır olduğunu bildirmişdi. Lakin "Çelsi" onun üçün 70 milyon avro tələb etmişdi.
Almaniya nəhəngi yenidən futbolçunun agenti ilə əlaqə saxlayıb.
Futbolçu ilə əvvəllər "Mançester Yunayted" də maraqlansa da, hazırda bu transfer yarışında iştirak etmir.
