İsrailin Baş nazir Benyamin Netanyahu xarici media nümayəndələrinə bildirib ki, İsrailin yaxınlarda təsdiqlənmiş Qəzza şəhərini ələ keçirmə planı çərçivəsində məqsədi ərazini işğal etmək deyil, yalnız Hamas terrorçularından azad etməkdir və eyni zamanda “ümumi təhlükəsizlik məsuliyyətini” qoruyub saxlamaqdır.
APA xəbər verir ki, bu barədə The Times of Israel məlumat yayıb.
“Məqsədimiz Qəzzanı işğal etmək deyil. Məqsədimiz Qəzzanı azad etmək, onu HAMAS terrorçularından azad etməkdir,” – deyə Netanyahu Yerusəlimdəki ofisində xarici media üçün keçirdiyi mətbuat konfransında bildirib.
Qəzza zolağı üçün müharibədən sonrakı planlarını təsvir edən Netanyahu deyib: “Qəzza hərbiləşmədən çıxarılacaq. İsrail ümumi təhlükəsizlik məsuliyyətini daşıyacaq. Gələcək terror basqınlarının qarşısını almaq üçün Qəzzanın İsraillə sərhədində təhlükəsizlik zonası yaradılacaq. Qəzzada İsraillə sülh içində yaşamağa çalışan mülki idarəetmə qurulacaq. Bu, HAMAS-dan sonrakı gün üçün planımızdır.”
