“Real” yarımmüdafiəçisi Eduardo Kamavinqanın sağlamlıq durumuyla bağlı açıqlama verib.
QOL.az xəbər verir ki, bu barədə klubun rəsmi saytı məlumat yayıb. Açıqlamada bildirilir:
“Real”ın tibbi heyəti tərəfindən aparılan müayinədən sonra Eduardo Kamavinqada sağ topuq bağlarında dartılma diaqnozu qoyulub. Klub futbolçunun vəziyyətini izləyir”.
Xatırladaq ki, futbolçu 2024/25 mövsümündə “kral klubu”nun son altı oyununu, o cümlədən İspaniya Kubokunun finalını sol budun adduktor əzələsindəki yırtıq səbəbindən buraxmışdı.
Ötən mövsüm fransalı yarımmüdafiəçi bütün turnirlərdə 35 matçda iştirak edib, 2 qol və 2 məhsuldar ötürmə ilə yadda qalıb.
