Qalmaqallı keçmiş vəkil Sevil Hacıyeva barəsində daha bir məhkəmə qərarı.
NUH.az-a daxil olan məlumata görə, Sumqayıt Apellyasiya Məhkəməsinin Cinayət Kollegiyası 08.07.2025-ci il tarixdə təqsirləndirilən şəxs Hacıyeva Sevil Balasoltan qızı, zərərçəkmiş şəxs Bahadırov İmran Soltanmahmud oğlunun, zərərçəkmiş şəxs İmamverdiyev İsmət Tahir oğlunun iştirakı ilə,
Hacıyeva Sevil Balasoltan qızının Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair cinayət işi üzrə Xaçmaz Rayon Məhkəməsinin 07 may 2025-ci il tarixli hökmündən təqsirləndirilən şəxs Hacıyeva Sevil Balasoltan qızı, zərərçəkmiş şəxslər Bahadırov İmran Soltanmahmud oğlu
və İmamverdiyev İsmət Tahir oğlu tərəfindən verilmiş apellyasiya şikayətinə Sumqayıt Apellyasiya Məhkəməsinin inzibati binasında açıq məhkəmə iclasında baxaraq, Qərara aldı:
Hacıyeva Sevil Balasoltan qızı İmamverdiyev İsmət Tahir oğluna qarşı törətdiyi əməl üzrə CM-nin 128-ci
maddəsi ilə təqsirli bilinərək 6 ay müddətinə azadlığın məhdudlaşdırılması cəzasına məhkum edilsin. Qalan hissədə hökm dəyişdirilmədən saxlanılsın.
Qərar elan olunduğu andan dərhal sonra qanuni qüvvəyə minir, ondan Azərbaycan Respublikası Cinayət-Prosessual Məcəlləsinin 408-412-ci maddələrinə uyğun olaraq Azərbaycan Respublikası Ali Məhkəməsinin cinayət kollegiyasına kassasiya şikayəti verilə bilər.
Redaksiyadan:
Vəkillər Kollegiyasının İntizam Komissiyası tərəfindən aparılmış araşdırmalar nəticəsində Sevil Hacıyevanın əməllərində pozuntular müəyyən edilib və məhkəmənin qərarı ilə 2021-ci ildə Sevil Hacıyevanın vəkillik fəaliyyətinə xitam verilib.
