Türkiyə prezidenti Rəcəb Tayyib Ərdoğan və Ukrayna prezidenti Volodimir Zelenski araında telefon danışığı baş tutub.
APA Anadolu agentliyinə istinadən xəbər verir ki, danışıq zamanı ikitərəfli münasibətlər, regional və beynəlxalq mövzular haqqında fikir mübadiləsi aparılıb.
Ərdoğan Türkiyənin Rusiya və Ukrayna arasında liderlər səviyyəsində sammitə ev sahibliyi etməyə hazır olduğunu bəyan edib. O, ölkəsinin Ukraynanın ərazi bütövlüyü və suverenliyinə dəstək göstərməyə davam edəcəyini vurğulayıb.
