Avqustun 12-də Laçın rayonu ərazisində qətl hadisəsi törədilib.
News24.az “Qafqazinfo”ya istinadən xəbər verir ki, Səfər Quliyev adlı şəxs ov tüfəngi ilə qətlə yetirilib.
Polis cinayət əməlini törətməkdə şübhəli bilinən, S.Quliyevin qardaşı, 1973-cü il təvəllüdlü Xasay Quliyevi saxlayaraq istintaqa təhvil verib.
Hadisənin ailə münaqişəsi zəminində baş verdiyi bildirilir.
Bildirilib ki, qətlə yetirilən Səfər Quliyev Laçında müğənni kimi tanınırmış.
S.Quliyevin qardaşı Xasay Quliyevlə birlikdə doğulduqları Fingə kəndinə arı saxlamaq üçün getdikləri deyilir. Mübahisəyə səbəb elə əldə edilən bal məhsulu üstündə yaranıb.
Araşdırmalar aparılır.
