Tbilisi, 13 avqust, AZƏRTAC
Ermənistanın Baş naziri Nikol Paşinyan avqustun 15-də Qırğızıstanda keçiriləcək Avrasiya İqtisadi Birliyi (AİB) ölkələrinin Avrasiya Hökumətlərarası Şurasının iclasında iştirak etməyəcək.
AZƏRTAC xəbər verir ki, bu barədə N.Paşinyanın mətbuat katibi Nazeli Baqdasaryan məlumat yayıb.
Onun sözlərinə görə, N.Paşinyan avqustun 12-dən 15-dək məzuniyyətdədir.
Qeyd edək ki, iclasda iqlim gündəliyinin tənzimlənməsinə yanaşmalar, eləcə də AİB üzv dövlətlərinin 2024-26-cı illər üçün əlaqələndirilmiş nəqliyyat siyasətinin həyata keçirilməsinin əsas istiqamətləri, tədbirlər proqramının modernləşdirilməsi, ümumi əczaçılıq bazarlarının inkişafı konsepsiyası haqqında saziş müzakirə olunacaq.
Xətayi Əzizov
AZƏRTAC-ın xüsusi müxbiri
Tbilisi
