Paytaxt ərazisində yol hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün real təhlükə yaradan motosiklet sürücüsü saxlanılıb.
Ölkə.az xəbər verir ki, bu barədə Bakı Şəhər DYP İdarəsi məlumat yayıb.
Saxlanılan sürücü Seymur Cəfərov barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün məhkəməyə göndərilib.
Qərara əsasən, S.Cəfərovun sürücülük hüququ 1 il müddətinə məhdudlaşdırılıb və 20 gün inzibati qaydada həbs edilib.
