Bakı, 13 avqust, AZƏRTAC
Dövlət Ekoloji Ekspertiza Agentliyinin əsas məqsədi ölkə ərazisində infrastruktur layihələrinin həyata keçirilməsi zamanı ətraf mühitə dəyən zərərlərin kompensasiya edilməsi, yaşıllıqların maksimum dərəcədə qorunmasıdır.
AZƏRTAC xəbər verir ki, bunu Dövlət Ekoloji Ekspertiza Agentliyində keçirilən ictimai dinləmədə agentliyin İdarə Heyətinin sədri Mirsalam Qənbərov bildirib.
O deyib ki, infrastruktur işləri zamanı qanunvericilikdəki ekologiya ilə bağlı qaydalara riayət edilməlidir: "Ölkəmizdəki yaşıllıqları qorumaq hər bir vətəndaşın borcudur. Agentliyə təqdim edilən layihələrə rəy verən zaman mütləq yaşıllıqların bərpa olunmasına, onların landşaft elementi kimi saxlanılmasına diqqət yetiririk".
