Son illərdə Azərbaycan hökuməti xaricdə təhsil alan məzunların ölkəyə qayıdaraq ixtisaslarına uyğun fəaliyyət göstərməsini təşviq etmək üçün kompleks tədbirlər həyata keçirir.
Təhsil İşçilərinin Həmrəyliyi Alyansının (TİHA) sədri və təhsil eksperti Əmrah Həsənli QHT.az -a açıqlamasında bildirib ki, bu təşəbbüslər həm məzunların peşəkar bacarıqlarını ölkədə tətbiq etməsinə şərait yaradır, həm də milli insan kapitalının güclənməsinə xidmət edir:
"Ən mühüm təşəbbüslərdən biri “2022–2026-cı illər üçün Dövlət Proqramı” çərçivəsində tətbiq olunan dəstək mexanizmləridir. Bu proqram çərçivəsində xaricdə təhsil alan tələbələr ölkəyə qayıdandan sonra ixtisaslarına uyğun sahələrdə iş imkanları ilə təmin olunurlar. Dövlət tərəfindən prioritet sahələrdə vakansiyalar açılır və məzunlar bu sahələrdə fəaliyyət göstərərək əldə etdikləri beynəlxalq təcrübəni ölkədə tətbiq edə bilirlər. Bu, xüsusilə səhiyyə, təhsil, mühəndislik, texnologiya və digər strateji sahələr üçün əhəmiyyətlidir".
Ekspert bildirib ki, dövlət və özəl sektor əməkdaşlığı çərçivəsində əlavə stimullaşdırıcı tədbirlər də həyata keçirilir:
"Xaricdə təhsil almış gənclər üçün peşəkar inkişaf imkanları, təlimlər, sertifikatlaşdırma proqramları və mentor dəstəyi təqdim olunur. Bu təşəbbüslər onların ölkədə uzunmüddətli fəaliyyət göstərməsini və karyeralarını inkişaf etdirməsini asanlaşdırır".
Ardı var...
Pərvanə Fərhadqızı
