“Müğənni Alla Puqaçova Rusiya vətəndaşlığından imtina etmək qərarına gəlib və müvafiq sənədləri Rusiyanın İsraildəki səfirliyinə təqdim edib”.
Yeniavaz.com xəbər verir ki, bu barədə Rusiyanın bir sıra Teleqram kanalları məlumat yayıb.
Məlumata görə, prosedur bağlı qapılar arxasında və kənar şəxslər olmadan keçirilib. Sənətçi nümayəndəliyə ayrıca girişdən daxil olub.
Qeyd olunur ki, sənədlərə baxılması bir neçə ay çəkir, lakin bəzi hallarda qeydiyyat sürətləndirilə bilər.
Mənbələr yazır ki, bu addıma səbəb Rusiyada baş verə biləcək cinayət işi olub.
